أنا مش جاي زيارة

واكتشف اني تهت
واعتقدت اني عن نظرك بعدت
واشوت ف تراب الارض
وافتري في البعد
واتبهدل
والمجد يتبدل
بإخابود
وأشبه واحد حي
لكنه بايت ف تابوت
وافتكر انه مالهاش قومة
والرجل جات ف الخيّة
والتراب يتخلط بالمية
فاتّطين
.
.
.
واسألني: وبعدين؟
ولحد فين ؟
هاتفضل تايه؟
عارف السكة ومختار غيرها

وأرفص الخية
وأقوم من الوعكة
بطيني!
وآديني
ماشي ف سكة باب بيتك
انا مش جاي زيارة
انا طالب مغفرة وسكنى

8 Aug 2016