عارف شعورك لما ترجع من امتحان وتتفرج على مكتبك … وتلاقي ورق ومذكرات وشخابيطك ومسوداتك واقلامك إللي متنتورة … عارف لما تذاكر ساعات وأيام عشان خاطر ساعتين … فاكر لما كنت بتقرا مراجع وكمية ورق مالهاش اول ولا آخر عشان تدخل تكتبلك عشر صفحات إجابة …
افتكر كل ده وانت بتعيش كل يوم … عشان كل يوم هو مذكرة جديدة وكل موقف هو صفحة فيها … اتعلم ف حياتك ومن حياتك على قد ما تقدر … عيش وانت بتتعلم … عشان كل خبراتك ودروسك هايجيلك وقت وهاتحتاجها كلها ف ساعة زمن … في موقف من إللي بيسموهم “احتكاك مباشر مع صخر الحياة” … وقتها كل حاجة اتزرعت جواك هاتبان … كل حاجة طورتها ف نفسك هاتنفعك.
اتعلم في دنيتك مرتين … مرة من خبراتك ومرة من خبرات إللي حواليك … وما تدورش على امتحانك … اطمن هو عارف سكته ليك.
دمتم متعلمين من حياتكم
#حياتنا_صلصال_بيتشكل
#هناك_هدف_من_وجوك
#ابريل_الجذور
24 April 2016
22:55
Samuel.G Basta
Samuel Basta :: سطور في الحياة 
Mabet7ebesh tedaya3 wa2t
إعجابإعجاب