السير فوق حبال الحياة

كنت أودّ أن أُخلي مسؤليتي مني.. فلا أعاتب نفسي على افعالها.. ولا أطالبها بالسير بإتزان فوق حبال الحياة.
كنت أودّ أن أتبرأ من ضعفي.. وأعلن خروجه عن طاعتي ومن تحت يدي.
كنت أودّ أن أُعيد الماضي لأفعله بخبرات الحاضر.. أريد أن أُطوّع الزمن لأعيد سرد المواقف كما أتمناها.
كنت ومازلت أقف برهبة امام مسؤليتي عن تلك اللحظات .. آلاف اللحظات التي تشكل عمري.
فأنا مُجزئ على لحظات الزمن.. إن حياتي لوحة ضخمة من عدد كبير من المربعات الصغيرة .. كل مربع هو لحظة وكل لحظة عليّ أن اضع لونًا واحدًا لها.. إنها المسؤلية التي لم أستطع أن أُخلي نفسي منها.
لحظة!
.. هذا هو الواقع.. لكن في الحقيقة النعمة هي التي تسند فرشاتي في تلوين تلك اللحظات.. #لحظات_حياتي.

16 Feb 2017

Advertisements

يا من سببتُ وجودي.

انا هنا والآن..
يفصلني عن شطّك
نهر مليان
ناظر برجاء
لمكان اللقاء
وواثق إنك هاتعديني
وف السكة هاتهديني
لحد هناك
حيث أنت..ّما أبهاك!
وإلى حين..
حين تفتح على عرشك العين
انا هنا والآن
في معيتك
يشبعني الإحسان
ويملآني الإيمان
بأنك ستمشي الماء من أجلي
يا من سببت ميلادي وحددت أجلي
أنا هنا والآن
ع الشطّ الشرقي.

Cairo, 20 Jan 2017

18 :27
……
pic Taken by: Amir Gerges

شجاعة الإنسحاب!

run away

واكتشفت

أنه ليس كل ما يلمع ذهبًا

وليس كل ما يشرق شمسًا.

وتيقنت

أن من لا يمتلك شجاعة الانسحاب فعليه ألا يخوض المعركة ابدا.

وفهمت

أنه لا توجد خسارة اعظم من خسارة نفسك لأنك حينها ستفقد هويتك ومفعولك وسط الأحياء.

….

الخوف من مواجه المجتمع بقرارك هو الحجة الأكثر راحة لمن لا يثقون في قدرتهم على الإعتراف بفشلهم.

….

اني أؤمن..

أن الرجال يُخرجها الله من أفران الحياة.. بينما يلعب الأطفال مع فراشات الحدائق.

…..

يخطئ من يسير دون هدايه.. ويكون مجرمًا في حق نفسه من لا يتأكد من صحة خطوات الماضي.. ولا يستحق الحياة من يتغاضى عن أخطاء الماضي ولا يتراجع عنها.

….

ان شجاعة الرفض تحتاج لقوة اكبر من ترحيب الموافقة!

#دروس_برائحة_البارود

14/1/2016

00:30

سكة نص الليل

لا السكة زهقت مني
ولا كرسي القطر قالّي كفاية
فاتحين بيبان العربيات في وشي
وبين دخولي وخروجي من الباب قصة
بتحصل ف السكة.
ولكل سفرية هدف وحكاية
….
يا قضبان بتلمع ف ليل الوادي
سامعاني!
انا نفس الطفل اللي سافر عليكي
فاكراني؟
انا كبرت.. جزئ من عمري عليكي
وانتي ما بتكبريش!
انا سافرت وغيرت مكاني
وانتي ما تحركتيش!
افضلي ف مكانك .. بحزا الوادي
ماتمشيش..
ولو باقي ف عمري أيام
هاجي اقضي شوية معاكي
وهاحكيلك عن اللي بشوفه ف الوادي.
يا سكة فاتحها بيبانها في نص الليل
الرحالّة لسة ف ترحاله
فامتقفليش!

9 Jan 2017

Tahta

23 : 39

يعيش الحب وإن مات المحبوب

عم رجب..
الراجل ده أثر فيّ وفي تشكيلي الفكري.
عم رجب هو صاحب اشهر كشك جرايد في بلدي.. وقفت عنده كتير، وصرفت مبالغ كبيرة ع الكتب عنده.. من اول ميكي لحد روايات مكتبة الاسرة.. كان تخين شوية.. نادرا ما شفته مبتسم لكن دايما شفته شغال بهمة.. صورته بتمثلي جزئ من السعادة المُصاحبة للقراية.. الراجل ده حبيته ومقدر دوره في الكتب اللي شكلت طفولتي.
انهاردة قدام كشكه سألت مراته عليه.
_ معلش انا ليّ كتير سايب البلد.. وفاكر لما كنت صغير وبجيب ميكي بجنيه ونص من عم رجب … عم رجب يعيش؟
* تعيش انت من سبع سنين مات
_ البركة فيكي يا حاجة والبقاء لله
عنيها دمعت .. دمعت وكأنه مات إمبارح.. دموع حب على إفتقاد
حب مراتك ليك يا عم رجب.. علمني درس ما قرتهوش في الكتب إللي عندك.
#يعيش_الحب وإن مات المحبوب.
#عم_رجب

8 Jan 2017

ده الشاي مَطلعش مُر!

شاي مُر
وسنين العُمر
أديها بتمر
والسكر بيتّقلب
ف الكوباية بتفرح
ويوم بعد يوم
والصورة بتتركب
فبتوضح!
وآلاقيني باسرح
ف ذكرى!
كنت خايف ل يجي بكرة
وألاقيها فكرة
وتموت ف بحر الذاكرة
وأهي ماتت
قصة وفاتت
والحياة ارتاحت
وده كان عكس ما كنت أظن
فإطمئن
ده الشاي ما طلعش مُر.

Samuel.G Basta

26 Nov 2016

14: 09

لأن بابك قريب

وتقولي: إيه إللي جابك؟

انا جاي هنا أسمع صوتك

وألمس بإيديّ دفا كفوفك

انا جايلك من متاهة

تِبان فيها كل الطرق متاحة

بس النفس فيها مش مرتاحة

انا جايلك لأن بابك قريب

مهما كنت ف توهاني بعيد

ولما أبان وسط الناس غريب

أتديّر آلاقي بابك!

وكأني بَلف ف محيطك

أو بابك ماشي معايا

كل حيطة بتَخيَّلها حَيطك

بازرع الأمل جوايا

إني آلاقي فيها بابك

ولما نفسي تبعد عني

خصام او تجاهل

بالاقي طبطبة منّك

ولما تدلعني نفسي بتَساهُل

بالاقي شدة ترجع الركب إللي سابت

انا جايلك كدة

معسّكر في بيتك

عايزك … عايز احكي معاك

يا عارف بمجيئي قبل ما أوصل

حبيت أحكي معاك

فقلتلك انا جاي ليه.

Samuel. G Basta

11 Nov 2016