بدون توقف

بدون توقف
عقارب الساعة تدور بدون توقف
الشمس و الأرض تدوران بدون توقف
القلب يدق بدون توقف
آلاف الخواطر تتبادر إلى ذهنك بدون توقف
مياه الأنهار تجري بدون توقف
أيام العمر أيضا تمضي بدون توقف
كل هذه إن توقفت صارت هناك مشكلة
فلماذا أنت متوقف بينما كل هؤلاء من حولك يمضون “بدون توقف”
إنه وقت لإعادة الحركة لمن توقف في زمن الـ”بدون توقف”

24 Oct 2012

أنا لم أجدني!

يسألوني : اين انت ؟
فاجيبهم : انا لم اجدني ؟
انظر حولي و لا انظرني ! … ابحر جوا في الوادي … انسى وسط الكون ابعادي .
فافتقدني … و احن الى داخلى الدافئ
فاركض من نفسي المشغولة لانشغل بالتفرس في من تحبه نفسي … من احبني قبل ان اوجد .
فدعوني فانا في حضرته احب ان أُوجد .
فلا تسالوني عن غيابي فانا غبت دون ان ادرك .

30 Oct 2013

مربع ناقص ضلع

في مربع ناقص ضلع
وقفت قدامهم ف الضلع الفاضي
حكيت معاهم
شجعتهم انهم يعيشوا الحق
وبكل حماسة فهمتهم
وفجأة سكت
دورت بينهم على مكان فاضي
عشان اقعّد نفسي وسطهم
واقول لنفسي زيهم
اني اعيش إللي باعلمه
واعمل إللي بافهّمه
دورت لنفسي على مكان
ف مربع ناقص ضلع

16 Sep 2016

اللوحات حسب رسامينها

الواقع عامل زي المنظر الطبيعي واحنا بنختار اللي بنرسمه منه في كلامنا.

في إللي بيرسم الشمس المبهجة وخضار الجبال واللي بيرسم سواد الطريق وعتمه الظلالوإللي بيتخيل وحش مستنيه ورا التلال وإاللي بيفقد الأمل في الشجرة وإللي بالإيمان بيرسم في قلبها ثمرة وإللي بالألوان مالي اللوحة وإللي بالفحم راسم بالراحة وكله بيعلق لوحته على حيطة حياته ويتأمل اللوحة وينسى الواقع

الواقع واحد واللوحات حسب رسامينها

5 Jun 2015

التلقائيين

#التلقائيين

عارفين الناس دي؟

دي الناس اللي بترتاح ف التعامل معاها دي الناس اللي لما بتوصفها بتقول: مريح، بسيط … قلبه ابيض.

دي الناس يا جماعة اللي قررت تعيش بوش واحد عشان كدة بيتصرف ببساطة لانه مش مخبي حاجة جواه .. دي الناس اللي تلاقيه بيكلمك بصراحة وادب ووضوح .. دول نفس الناس اللي بتلاقي نفسك قادر تواجهم بصراحة وتسألهم بوضوح من غير ما تكون خايف منهم.

دي الناس إللي واثقة في رد فعلها الاولاني قدام اي موقف .. ببساطة لانهم مش هايتصرفوا تصرف غير إللي جواهم .. لانهم بوش واحد.

الناس دي عفوية ومع ذلك ما بتجرحش ف كلامها … الناس بتتخنق من التكليف والتصنع وتأويل الكلام.التلقائيين .. بسطاء لكن مايضحكش عليهم … طيبين بس بيعرفوا ياخدوا حقهم.ماتحوروش كلامهم .. واحترموا صدقهم … خليهم صحابكم لانهم هايساعدوكم ع التغيير بدون مجاملة.الناس دي عايشة خفيفة اصلها مش شايلة من حد.التلقائيين بركة وسطينا … لانهم نموذج للناس اللي في قلبها على لسانها … واضحة وصادقة.الناس دي مش بتخاف تواجه ردود الناس عليها.

13 April 2016

الصديق

الصديق..هو الذي يرتاح عقلك في الحوار معه ويطمئن قلبك لوجوده.. والاهم هو إنك تكون قادرًا إن تكون نفسك وتتصرف على سجيتك دون أن تخشى نقد جارح منه أو نظرة دونية أو إستخفاف..ابحث عن صديق لايشبهك تمامًا ولكنه كالمرآه تقدر إن تقف دون خجل أمامه فترى نفسك..وإن حصلت كرجل على فتاة بهذه المواصفات فأعلم إنها الأصلح لتكون زوجة لك.. مع إفتراض تشابه مبادئكما وهدفا حياتكما..وإن وجدت رجلًا فيه هذا، فهو الصديق الذي يعبر المحيط من أجلك فحارب حينئذ المحيط من أجله

17 Aug 2019

عاشق ومعشوق

عندي مكتبة خشب نجارة إيطالي.. يعني بتتركب من غير دقة مسمار واحد.. كلها عاشق ومعشوق.. بتتعشّق في بعض.. كل خشبة فيها مجرى مناسب ليه مجرى تاني على قد المقاس موجود في خشبة تاني.. المرة دي لما قررت انصبها إتلخبطت في ترتيب خشبة.. وقعد حاير وبحاول أكمل تعشيق مش عارف.. لغاية ما فكيتها وأبتديت من الأول بتركيز.. ركبت في دقايق..
بحكيلكم القصة دي عشان أفكركم إن حياتنا نجارة إيطالي دور على إللي يمشي مع حياتك بسهولة من غير ما تحتاج تعافر كتير.. دور للعشق إللي فيك على معشوق مناسب.. ما تقبلش أشباه الحلول.. ما تسمرش حياتك بحد.. عشَّقها تعيش أكتر..
#عاشق_ومعشوق
#نجارة_إيطالي
#كتبي_هاتسكن_قبلي

8 April 2018

مش زي الصور

4 May 2020


الجواز محتاج مجهود.. عشان تذاكر نفسك وعشان تذاكري شريكك
الجواز محتاج مجهود.. مجهود المحبة التي لا تطلب ما لنفسها.. يعني اختار إني ابسط شريكي
الجواز محتاج مجهود في إني افرق بين التضحية والتنازل عن الحقوق التي لا يمكن التنازل عنها.. الاحترام حق لا يمكن التنازل عنه.
الجواز محتاج مجهود.. إن كل شريك يقرأ كتالوج الشريك التاني ويتكلم بلغة حبه.

أما عن الأحلام الوردية، زي رش الدقيق ومسحه وحضور الافلام سوا واكل البيتزا والمحشي وضرب مخدات ريش النعام.. فكلها حقيقية.. بس مش زي الصور.. حقيقية في مضمونها ومش في شكلها
الحب الحقيقي بيبان في مواقف فيها الحب بيتجلى في فعل لأن كلمة حب هي فعل وليس شعور
الصور الحلوة بتفضل في الذاكرة مش في ذاكرة الهاتف.. الصور الحلوة بتطلع من الامتنان إللي بقدمه لشريكي.. بتبان في أفعال حب صامتة.. بتبان في حاجة بتحبوا تعملها سوا.. مش اصطمبات وقوالب، لأننا مختلفين عن كل الصور

عشان ما تجيش تضايق مني بعدين

lonely-273629_1920

بفكر في إللي هاقوله لنفسي وأنا قاعد في البيت اثناء ساعات العمل الرسمية في شغلي إللي سبته عشان طلعت معاش.. ومش عايز ازعل مني ولا ازعلني ولا اعاتبني ولا اعتبرني شاب طايش ضيع فرصة من عمره مش هاترجع.. وبحاول أسألني لما أكبر أعمل إيه دلوقتي عشان ما تجيش تضايق مني بعدين.. بحاول أفّهم نفسي وهي كبيرة إنها دلوقتي بتحاول تعمل إللي عليها واكتر وإن صراعها مع الزمن ماخلصش وما اتحسمش.. وانها بتحاول تاخد أكتر فرصة كسبانة وتختار طريق تمجد فيه إللي خالقها. بس أنا مش مطاوعني أكمل غير لما أسألني وأنا كبير: أعمل إيه يا كبير عشان صغيرك يبسطك لما تقابله في ساعة عصاري في نص الاسبوع؟

صموئيل جورج

20 /4/2020

عينة عشوائية من العمر

leaves-15757_1920

واحد وتلاتين يوم
دول كانوا عينة عشوائية من العمر
عمر نُصه ترحال ونُصه استقرار
واسبوعين كل ليلة تحت سقف
وايام بلا سفر
وايام بلا معنى
وايام للذكرة
وايام ماعنديش عنها فكرة
وكل يوم بيختلف حتى ولو ليه نفس الشمس
كل يوم حكايته بتبدأ بكان يا مكان .. في مراحم جديدة لليوم ده
وتخلص حكايته باحسانك ما فارقنيش

وتوتة توتة قصة بكرة عندك معروفة


وانتهى مارس
ولم ينتهي الترحال فالترحال نمط الحياة 

والترحال دليل ع الحياة 


١ ابريل ٢٠١٦