وما اللحظات إلا حبّات رمال شفافة

نختار لونها دون أن ندري

سواء كنا نيامًا في الحياة أو نجري

فتلك بلون السعادة وتلك قاتمة

وهذه ضاكحة وتلك لدموعها كاتمة

..

فاختر لون رمال لحظات عمرك

ف اللوحات العظيمة ترسم على مهل

2 Jun 2020

في مربع ناقص ضلع
وقفت قدامهم ف الضلع الفاضي
حكيت معاهم
شجعتهم انهم يعيشوا الحق
وبكل حماسة فهمتهم
وفجأة سكت
دورت بينهم على مكان فاضي
عشان اقعّد نفسي وسطهم
واقول لنفسي زيهم
اني اعيش إللي باعلمه
واعمل إللي بافهّمه
دورت لنفسي على مكان
ف مربع ناقص ضلع

16 Sep 2016

الواقع عامل زي المنظر الطبيعي واحنا بنختار اللي بنرسمه منه في كلامنا.

في إللي بيرسم الشمس المبهجة وخضار الجبال واللي بيرسم سواد الطريق وعتمه الظلالوإللي بيتخيل وحش مستنيه ورا التلال وإاللي بيفقد الأمل في الشجرة وإللي بالإيمان بيرسم في قلبها ثمرة وإللي بالألوان مالي اللوحة وإللي بالفحم راسم بالراحة وكله بيعلق لوحته على حيطة حياته ويتأمل اللوحة وينسى الواقع

الواقع واحد واللوحات حسب رسامينها

5 Jun 2015

#التلقائيين

عارفين الناس دي؟

دي الناس اللي بترتاح ف التعامل معاها دي الناس اللي لما بتوصفها بتقول: مريح، بسيط … قلبه ابيض.

دي الناس يا جماعة اللي قررت تعيش بوش واحد عشان كدة بيتصرف ببساطة لانه مش مخبي حاجة جواه .. دي الناس اللي تلاقيه بيكلمك بصراحة وادب ووضوح .. دول نفس الناس اللي بتلاقي نفسك قادر تواجهم بصراحة وتسألهم بوضوح من غير ما تكون خايف منهم.

دي الناس إللي واثقة في رد فعلها الاولاني قدام اي موقف .. ببساطة لانهم مش هايتصرفوا تصرف غير إللي جواهم .. لانهم بوش واحد.

الناس دي عفوية ومع ذلك ما بتجرحش ف كلامها … الناس بتتخنق من التكليف والتصنع وتأويل الكلام.التلقائيين .. بسطاء لكن مايضحكش عليهم … طيبين بس بيعرفوا ياخدوا حقهم.ماتحوروش كلامهم .. واحترموا صدقهم … خليهم صحابكم لانهم هايساعدوكم ع التغيير بدون مجاملة.الناس دي عايشة خفيفة اصلها مش شايلة من حد.التلقائيين بركة وسطينا … لانهم نموذج للناس اللي في قلبها على لسانها … واضحة وصادقة.الناس دي مش بتخاف تواجه ردود الناس عليها.

13 April 2016

الصديق..هو الذي يرتاح عقلك في الحوار معه ويطمئن قلبك لوجوده.. والاهم هو إنك تكون قادرًا إن تكون نفسك وتتصرف على سجيتك دون أن تخشى نقد جارح منه أو نظرة دونية أو إستخفاف..ابحث عن صديق لايشبهك تمامًا ولكنه كالمرآه تقدر إن تقف دون خجل أمامه فترى نفسك..وإن حصلت كرجل على فتاة بهذه المواصفات فأعلم إنها الأصلح لتكون زوجة لك.. مع إفتراض تشابه مبادئكما وهدفا حياتكما..وإن وجدت رجلًا فيه هذا، فهو الصديق الذي يعبر المحيط من أجلك فحارب حينئذ المحيط من أجله

17 Aug 2019