السطر الهارب

إلى السطر الهارب من كتابي..

إرجع.

ارجع اسكن صفحتك

انا متفهم لمحنتك

حمل الكلام إللي شيلته اكبر من بهتان خطك.. 

وزن الحروف تقل علي ضهرك.. 

إرجع لاجل ما اكمل كتابة 

 انا سايب فيك فراغ 

اكتب فيه باقي الحكاية 

 انا ماخلصتش كلامي.. 

يا سطر يا هارب ارجع

هاكّرمك.. وتشيل لب القصة

هاتكون اهم سطر في الحصة

هايلونوك لاجل ما تنور 

هاتوضح بفسفوري 

هاميزك عن باقي سطوري

بس  انت ارجع 

لاجل ما اكتب عليك احسان أخر الحكاية

يا سطر يا هارب .. انا مستنيك

Samuel.G Basta

17 March 2017

18:56