هات آخرك

قالولي هات آخرك

قلتلهم ما اعرفوش فين؟

قالولي امشي ف سكتك

لما تستسلم هاتلاقيه

ولما تتعب وماتكملش هاتكون وصلت

ولما تتكعبل وتيجي تقوم ما تقومش

تبقى انت ف آخرك.

…

كنت فاكر هالاقيه آخر الشارع

ده طلع بعيد يا خال

يوماتي على نفس الموال

ومش جايبه

اتاريها السندة مأخراه

والنعمة مداراياه

ده انا إللي خلصت من بدري

وخلصت من غير ما أدري

ومكمل بحطام

مسنود كل الأيام .

آخري مطلعش بعيد يا خال

ده النعمة إللي سكتها طويلة

Samuel.G Basta

8 Jul 2016

21:08