خطاوي

كل يوم بيقربني من سكنى بيتك
فاجعل كل يوم يقربني منك
واعرفك …
مهياش قصيدة
ولا كام فقرة مفيدة
دي عفوية مطلقة
بلا قيود
بلا قافية
وان خلصت فجأة
فكلماتها كافية
تشرح إللي جوايا
وإن ماتشرحش
يكفي انها حاولت
وآديني بحاول
ابدأ القصة
بجملة خبرية او سؤال
اصل كلام انهاردة
مش على نفس المنوال
ده حكاية مش من كلمات
حكاية خطاوي
خطاوي ف دنيا واسعة
وأما بعد،

يا خطوة ماتهدي
امشي على قدي
احلمي واشطحي بخيالك
واجري وجري جمالك
في صحرا بكرة
يمكن نوصل سوا
وأياكي تسعي ورا سراب
ف النهاية هو وهم ف هوا

يا خطوة يا عفوية
دبتك قوية
ماشية بثقة
يا خوفي منك
لندخل حارة سد
او تسكنيني بيت هايتهد
بس خدي راحتك
سيدي بيعدل
#خطواتي_العفوية

يا خطوة مش متشافة
مدّة رجل ف ضلمة
بكرة إللي مش معروف
يا دوب اسمه من حبة حروف
يا خطوة دوسي على عتبة بكرة
وأوعي يتبدل إيمانك بخوف.
….
يا خطوة ف قلب فخ
يا عالم ألغام
تفجيرك يسبقه طرب الأنغام
يا فخاخ ف سكتي
واحد منكم هايجب آخرتي
بس عن اختبار
بتعدي الخطوة ف قلب النار
وتطلع بيّ سليمة
سيدي ساترها
وبرحمته محاوط المسار

يا خطوة ل ورا
عمر ما الإنسحاب ما كان عار
الشجاعة مش انك تتحرق بالنار
الشجاعة تنسحب لما يولع الدار
كله يتعوض إلا الارواح
كله يتبني مهما راح
ارجعي بثقة
عايزك تكوني حاضرة
لما يبان الدخان
لما يتشاف إللي خان
واوعاكي يضحك عليكي
ده أمل نجاتي متشعلق فيكي

يا خطاوي حياتي
خديني ووديني
لسيدي
وسيبيني
لحد ما فجر قيامتي يجي
يا خطاوي ف دنيتي
Samuel.G Basta
29 Jun 2016
1 : 55

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s