من حقي!

من حقي اسأل ..
بس انا واثق ف صلاحك
من حقي اتضايق …
بس ما اتذمرش
من حقي استعجل
بس هاستنى وقتك
من حقي استعجب
بس هاصدق المنطق بتاعك
من حق احتياجي يصرخ من #جذوره
بس هاسكّته لأن شبعك احلى
من حقي اكون انسان
بس مش هاستسلم لضعفي
من حقي اتنازل عن حقي
بنفس راضية .
#اسئلة_جذرية
#ابريل_الجذور
6 April 2016
19:30

Samuel.G Basta

Advertisements

التبديل

بيقولوا
لكل دوا بديل
وقبل النهار كان ليل
ومسموح ف 14 يوم بالتبديل
بيقولوا
هات وخد
او ادفع فلوس لو بتعرف تعد
ولكل شئ تمن حتى ولو كان ع القد
بيقولوا
المقايضة اول نظام تجارة
يومها كيلة الدقيق بعصاية سنارة
وإضحك عليك لو بدلت تفاح بحجارة
لكن هو قال
الحسبة مختلفة عن حساباتكم
فالجمال هاديه مقابل رمادكم
والنوح والدموع هابدلهم بافراحكم
وبدل الروح اليأسة هايتسمع تسبيحكم
حساباتي مختلفة
هات رمادك
كفف دموعك
واطلق روحك اليأسة
فالتبديل مازال متاح في قائمة السموات
#ابريل_التبديل
6 April 2015
20:22

Samuel.G Basta