#قائمة_الشكر

#Thanks_list
#قائمة_الشكر
من بين اللست اللي ف حياتي
ما بين to do list وبين travel list
قررت اني اعمل قايمة شكر
عشان ما انساش
وعشان يوم مااضعف
اعرف انك ما بتنساش
وايدك بتتمد ف وقتها
وكله لصالح مجدك ف حياتي
لانك صالح
هو ايه ف الدنيا احلى من رضاك عني؟
ولا ايه شعور اجمل من غمر الرضا ع ال انا فيه.
آه لو املك تحنيط المشاعر
لكنت حنطت الرضا لباقي العمر
ولو املك رسم المشاعر
لرسمت الاحسان على حيطان حياتي
..
ادي قايمة شكري
واسمحلي ابدأ بيك
لانه من غيرك
ومن غير خيرك
انا صفر مطلق ف فراغ مظلم بلا قاع
فشكرا لانك
اخترتني اعيش معاك
وشكرا لانك بتقبل تغّير المذدرى
شكرا لانك موجود ف حياتي
شكرا لاني سابح ف محيطك
بحبك يا رب
20 Jan 2015
Shoubra