فاكر الأيام دي بالواحد
يوم ما قال الواحد
انها باظت
الأملة خابت
ومافيش حل
والسكة اتسدت
وطاقة النور اسودت
وسلمت الدفة
مرة بإيمان
ومرة بإستسلام
وبزفره وتنهد
قلت انك صالح
رغم اني مش فاهم
بس يكفيني انك عالم
وقادر وبتحبني ..دا انت صالح
فاكر الكسرة
إللي ودت للنصرة
وفاكر المطب
اللي حفظتني بيه
كنت في الحفرة هاطب
وفاكر الزنقة
اللي وريتني كفايتك
وفاكر البراح
اللي فهمني رعايتك
فاكر يوم ما بكيت
وناديت ع الموت
واستنيت
تخلص حياتي
بعد ما البيت ما بقاش فيه حيط
فاكر ايام بالتواريخ
وساعات بالاماكن
فاكر مدخل المستشفى
فاكر خوفي
فاكر ظروفي
وفاكر سندتك
والشفا بلمستك
فاكر لون السقوف
اللي باتت لياليّ تحتيها
وفاكر نومة الارض
ونومة القطر
ونومة الخمس نجوم
فاكر رعايتك كل الليالي
حمايتك
دفاك وقت البرد
فاكرلك كل خير
يا صاحب الخير
كاتب اشكر
نفسي كل احساناتك اذكر
بس اللي فاكره قليل
واللي عارفه أقل
اصلك محاوطني
في وعيي وف منامي
فاكرهم بالواحد
بحبك.
فاكرهم بالواحد
منشور
