نقطة

نقطة

التاريخ أنواع …. في تاريخ مكتوب بحروف من دهب .. يعكس أقل ضوء و يبهج أي عين … تاريخ جدي في إللي  الهرم إتكتب علم البشر إنه بالعلم و بالإراده يسيب الناس للناس اللي وراهم هرم يموت الناس و يفضل برضه هرم … تاريخ  شعب عَلّم العالم العِلم … تاريخ بحروف من دهب . نقطة و من أول السطر

تاريخ ببارود مدافع إتكتب … بكفاح شعب سهر على ارضه …. بارود مدافع بتدافع عن حق شعب يعيش على ارض هو من ترابها و لترابها … بارود ينور ليل المعارك لشعب بيعارك عدو باغي مش عايز يخلي الحق باقي على الارض …. شعب كتب تاريخة ببارود وحط نقطة و من أول السطر

إختار الدم في ألوانه … على العلم …و تاريخ إتكتب بدم أولاده ماتوا عشان إسمهم و صليب إترسم على قلبهم  … رحلوا و بقي الصليب على أرضهم …. قالوا جبل و نحطوا قدامهم هو و الموت و إختاروا … فاكرين إنهم هايحتاروا …. إتنقل.. لأن الشعب ده ليه صاحب …. شعب كتب تاريخه بدم أولاده … حسب أيامه و سنينه بشهدائه … شعب كتب تاريخه و يخلص السطر و لا يخلص تاريخة

نقطة و خلص السطر

Samuel.G Basta

3/2/2010