ماهياش حالة و لا كتر قوالة .. و لا هواش كلام مرصوص لاجل ما يصنع من الجمل نصوص
ده كلام متعاش .. تنفس ع السطور … الوان بإدين نقاش … و اللوحة اسمها “حياة”
حوار صامت … منطوق بسكوت .. مابين قلب و ورقة.. و لحد ما الصفحة تفوت .. يفضل القلب ف قلب الورقة
و لحد ما تبان الشمس ف السما … هافضل انا هنا … لا املك غير عين تشوف برجا و ودن مستنية الندا
و قولوا صادق … قولوا عايش … قولو مجنون … ايش تفرق صفاتكم فمين اكون .. مين فينا يعرف عمق قلبه ؟ مين ف الكون !
انا سابح بعفوية في بحر الدنيا و عيني ماهياش ع الموج و لا على البشر … عيني على اللي خلقني هنا .. و لغرض اوجدني كده
و ما بين ضفتين حياه آديني عابر .. و لحد الشط التاني ما يجي هافضل صابر .. عايش بكافح لأجل الغرض .. مجد إللي جابني ف أرض الاحياء … و لأجله و بقوته تتعاش .
و لحد ما تبان النهاية … هافضل انسان للنهاية .. اضعف .. اغلط .. اقع و اقوم … و مسيره يجي اليوم .. و با بختي
——-
حوار صامت … منطوق بسكوت .. مابين قلب و ورقة.. و لحد ما الصفحة تفوت .. يفضل القلب ف قلب الورقة
و لحد ما تبان الشمس ف السما … هافضل انا هنا … لا املك غير عين تشوف برجا و ودن مستنية الندا
و قولوا صادق … قولوا عايش … قولو مجنون … ايش تفرق صفاتكم فمين اكون .. مين فينا يعرف عمق قلبه ؟ مين ف الكون !
انا سابح بعفوية في بحر الدنيا و عيني ماهياش ع الموج و لا على البشر … عيني على اللي خلقني هنا .. و لغرض اوجدني كده
و ما بين ضفتين حياه آديني عابر .. و لحد الشط التاني ما يجي هافضل صابر .. عايش بكافح لأجل الغرض .. مجد إللي جابني ف أرض الاحياء … و لأجله و بقوته تتعاش .
و لحد ما تبان النهاية … هافضل انسان للنهاية .. اضعف .. اغلط .. اقع و اقوم … و مسيره يجي اليوم .. و با بختي
——-
Samuel G. Basta
26 , April 2014
Samuel Basta :: سطور في الحياة 