ستشرق

قالولي ليه ما بتكتبش عنه؟

مش جايب سيرته في كلامك 

لففتنا الكون في سطورك 

وعنه ساكت ؟!

مانتاش غريب عنا .. لأجل ما تصمت عنه 

ومانتاش تايه .. لأجل ماتوه سطورك عن سكته

سامع دقاته ؟

ولا ما بتسمعش غير سكاته ؟

دور جواك في شمالك 

نادي عليه يمكن تاه عن بالك.

..

يا ناس إسمعوني:

كيف أكتب عن حاجة أنا ليها مش شايف؟ 

ولا عايزيني أكتب مجرد كلام شفايف!!

يا بشر .. الكلمة صادقة 

وإن ماكنتش متعاشة جوّة 

قلمي ماهيطلعاش لبرّه 

…

بكرة هاشوف 

بكرة هاكتب 

لأنها #ستشرق.

Samuel G. Basta

11 , Oct 2014

21:50