ولا أعرف !

wala a3raf

قدام مواقف بافضل واقف …

و لا أعرف

قدام أمور أعلى مني أبص أتوه … اسكت يمكن أفهم

و لا أعرف

آجي أتكلم ألقى نفسي محتاج أتعلم ….. حروف تاني غير اللي عندي

و لا أعرف

آجي أعبًر …. و اعبر من فكرة لفكرة يمكن اقدر أطلًع حاجة تشاور على اللي في القلب داير

و لا أعرف

أقعد أفكر ….. يمكن أوصل لحل تاني للمعاني إللي فكلامي مش عارفة تطلع

و لا أعرف

آجي أكتب … ألقى كلماتي بتدور على المعاني اللي عايزها … تعجز …. أدور في دماغي .. على كلمات تاني

و لا أعرف

أحط كلام في سطور … و أقولًه: عبر عن إللي جوايا .. و طلع المعاني للنور …. ألقى كلامي تاه و سط السطور .. و ألقى المشاعر مالهاش كلام يوصفها ….. اعود اسكت

و لا أعرف

و لما أغلَب …… ارفع عينيً …. بكلام عيون للسما … و أقوله أنت عارف إن حبك للقلب سبى … إحسانك ما يتوصف .. اعذر جهلي و ضعف كلامي في إن أعبر عن مجدك و جمالك و صلاحك .. و صفات تانية مالقتلهاش كلام في لغة البشر

أنا تايه وسط مفردات لغة … و تسبيح قلب طالع .. مش لاقي لغة على اللسان توفيك حقك

رافع عينيً بدموع … لا حزن و لا فرح هي بس تعبير عن إللي جوه و مش عارف يتكتب

أرفع عينيً … و أعرف

إنك عارف .. إني و لا أعرف …..

اسكت …. و القلب يتسبي …. و ارفع عينيً تتملي …… و يفيض القلب … و أعود أتكلم

و لا أعرف

Samuel.G

11-12-2009.

3 آراء حول “ولا أعرف !

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s