مين قال إن الشعر حسبة؟

مين قال إن الشعر حسبة؟

باكر ما هواش بكره

و في يوم الإتنين

بكره ماهوش التلات

و امبارح !

ما هواش الحد إللي فات

بكره هو الأمل إللي جاي

تحقيق وعد الحي

….

مين قال إن الشعر حسبة ؟

ليه بتحاسبوا تنفس السطور ؟

ليه فاكرين إن الشمس هي بس نور ؟

الشمس هي الدفا لبردان

النور للي في ضلمة

هي الأمل إللي بيفتح بيبان

بقلب صادق يقول كلمة

….

مين قال إن الشعر حسبة؟

الاوقات ماهياش بالساعة

و خيال السجع

يرسم الكون في قاعة

و الكلمة إللي مكتوبة

ماهياش محسوبة

اهم مافيها الإحساس

احساس إللي مصدق

إن الشمس جاية اكيد

و عمر ما كان تحقيق المواعيد

بميعاد سابق.

مين قال إن الشعر حسبة ؟

————-

الاحسان ليس بميعاد سابق لكنه سيأتي أكيد

#فبراير_الإحسان

16 Feb 2014

Samuel.G